خیبر پختونخوا حکومت کا یکم رمضان سے صحت کارڈ بحال کرنے کا اعلان
اردو انٹرنیشنل ( مانیٹرنگ ڈیسک) تفصیلات کے مطابق خیبرپختونخوا حکومت نے یکم رمضان سے صحت کارڈ بحال کرنے کا اصولی فیصلہ کرلیا ہے۔
صحت کارڈ کی بحالی کا فیصلہ وزیر اعلیٰ علی امین گنڈاپور کی زیر صدارت ایک اجلاس میں کیا گیا، جس میں صوبائی حکومت کے اعلی حکام اور سٹیٹ لائف انشورنس کے حکام نے شرکت کی۔
اجلاس میں وزیراعلٰی کی ہدایت پر صحت کارڈ کے تحت مفت علاج بحال کرنے کے لیے سٹیٹ لائف انشورنس کمپنی کو فوری طور پر پانچ ارب روپے جاری کر دیے گئے۔
اس موقع پر وزیر اعلیٰ علی امین گنڈاپور نے کہا ہے کہ صحت کارڈ عوامی فلاح و بہبود کا اہم منصوبہ ہے، اس کو ہر حال میں جاری رکھا جائے گا اور اسٹیٹ لائف کے بقایاجات کی ادائیگی کے لیے ترجیحی بنیادوں پر فنڈز فراہم کیے جائیں گے۔
Latest Urdu news, Urdu videos, Urdu blogs and columns – اردو انٹرنیشنل