حسان نیازی فرار معاملہ،علی زیدی اشتہاری قرار
اردو انٹرنیشنل (مانیٹرنگ ڈیسک ) کراچی کی سٹی کورٹ نے سابق وفاقی وزیر علی زیدی کو اشتہاری قرار دے دیا۔
تفصیلات کے مطابق سٹی کورٹ میں حسان نیازی کو فرار کرانے کے معاملے پر سماعت ہوئی جہاں عدالت نے سابق وفاقی وزیر علی زیدی کو اشتہاری قرار دے دیا.عدالت نے علی زیدی کے خاکے آویزاں کرنے کا حکم دیتے ہوئے تفتیشی افسر سے سابق وفاقی وزیر کی منقولہ اور غیر منقولہ جائیداد کی تفصیلات بھی طلب کرلیں۔
سابق وفاقی وزیر علی زیدی اس سے پہلے گرفتار بھی ہوچکے ہیں اور رہائی کے بعد انہوں نے استحکام پاکستان پارٹی میں شمولیت تو اختیار کی تھی تاہم علی زیدی کی استحکام پاکستان پارٹی میں شمولیت کا معاملہ اس وقت الجھ گیا جب صدر استحکام پاکستان پارٹی سندھ محمود مولوی نے کہا کہ علی زیدی ہماری جماعت کا حصہ نہیں ہیں، علی زیدی نے صرف استحکام پاکستان پارٹی ہی نہیں بلکہ سیاست سے ہی کنارہ کشی اختیار کر لی ہے، وہ سیاست ہی نہیں کرنا چاہتے اور اب صرف اپنے کاروبار پر توجہ دینا چاہتے ہیں۔
