گلوبل ٹی ٹوئنٹی کینیڈا 2024: بابر اعظم محمد رضوان کی کپتانی میں وینکوور نائٹس کے لیے کھیلیں گے
اردو انٹرنیشنل (اسپورٹس ڈیسک) تفصیلات کے مطابق پاکستان کے وکٹ کیپر بلے باز محمد رضوان کو گلوبل ٹی ٹوئنٹی کینیڈا 2024 کے لیے وینکوور نائٹس کا کپتان نامزد کر دیا گیا ہے۔
پاکستان وائٹ بال کے کپتان بابر اعظم 25 جولائی سے 11 اگست تک شیڈول ٹورنامنٹ میں رضوان کی قیادت میں کھیلیں گے۔
فرنچائز نے ایک بیان میں کہا کہ وینکوور نائٹس نے جی ٹی ٹوئنٹی سیزن 4 کے لیے اپنے کپتان کا انتخاب کیا ہے سرمحمد رضوان اپنی زبردست بلے بازی کی مہارت اور تیز وکٹ کیپنگ کے ساتھ، وہ ہمارے چارج کو فتح تک پہنچانے کے لیے تیار ہیں جنگ کے لیے تیار ہو جاؤ، نائٹس!
واضح رہے کہ پاکستان کے سات ستارے ایکشن میں ہیں جن میں بابر، رضوان، آصف علی، محمد عامر، افتخار احمد، شاہین شاہ آفریدی اور محمد نواز شامل ہیں۔
بابر، آصف، عامر اور رضوان وینکوور نائٹس کی جانب سے کھیلنے جا رہے ہیں شاہین اور نواز ٹورنٹو نیشنلز کی نمائندگی کرنے جا رہے ہیں اور افتخار بنگلہ ٹائیگرز مسی ساگا کا حصہ ہوں گے۔
لیگ میں محمد نبی، سنیل نارائن، شکیب الحسن رحمان اللہ گرباز، ڈیوڈ ویز، حضرت اللہ زازئی، ڈیوڈ وارنر اور کارلوس براتھویٹ جیسے دیگر بین الاقوامی کرکٹرز بھی شامل ہوں گے۔
2018 میں منعقد ہونے والی لیگ کا پہلا ایڈیشن وینکوور نائٹس نے جیتا تھا اور دوسرا 2019 میں ونی پیگ ہاکس نے جیتا تھا۔
گلوبل ٹی ٹوئنٹی کینیڈا کے دفاعی چیمپئن مونٹریال ٹائیگرز ہیں اور انہوں نے فائنل میں نائٹس کو شکست دے کر 2023 میں ٹائٹل جیتا تھا۔
