نیوزی لینڈ کے سابق فاسٹ بولر ڈگ بریسویل پر کوکین کے استعمال کے باعث دو سال کی پابندی عائد کر دی گئی ہے برطانوی میڈیا کے مطابق 35 سالہ بریسویل کا ڈوپ ٹیسٹ گزشتہ برس 25 ستمبر کو اس وقت مثبت آیا جب وہ کاؤنٹی چیمپئن شپ فائنل میں ایسیکس کی نمائندگی کر رہے تھے۔
رپورٹ کے مطابق بریسویل نے کوکین کے استعمال کا اعتراف کرتے ہوئے دو سالہ پابندی قبول کر لی ہے، جبکہ ایسیکس کاؤنٹی پر کوئی کارروائی نہیں کی گئی یہ پہلا موقع نہیں، اس سے قبل بھی 2024 میں وہ اسی نوعیت کے معاملے پر ایک ماہ کی پابندی کا سامنا کر چکے ہیں۔
بریسویل نے 2011 میں بنگلہ دیش کے خلاف اپنے انٹرنیشنل کیریئر کا آغاز کیا اور مجموعی طور پر 69 میچز میں نیوزی لینڈ کی نمائندگی کی وہ 2025 میں ہر طرز کی کرکٹ سے ریٹائرمنٹ لے چکے ہیں۔
