گوجرانوالہ :5 افراد کو فائرنگ کرکے قتل کر نے والے 5 ملزمان گرفتار
سی پی او گوجرانوالہ پولیس ایاز سلیم نے بذریعہ سوشل میڈیا پریس کانفرنس بتایا کہ گوجرانوالہ میں تین دن قبل تھانہ پیپلز کالونی کے علاقہ میں دن دیہاڑے پانچ افراد کو فائرنگ کرکے قتل کر نے والے پانچ ملزمان کو گرفتار کرلیا گیا ،فائرنگ کا یہ واقعہ دیرینہ دشمنی کا ساخشانہ تھا .
سی پی او گوجرانوالہ ایاز سلیم نے بذریعہ سوشل میڈیا پریس کانفرنس کرتے ہوئے بتایا کہ تین دن قبل دن دیہاڑے پانچ افراد کو فائرنگ کرکے قتل کر دیا گیا تھاجن میں رانا افتخار عرف رانا کھاری چار ساتھیوں سمیت جان بحق ہوگئے تھے .انھوں نے سوشل میڈیا پر پریس کانفرنس کرتے ہوئے کہاکہ فائرنگ کا واقعہ درینہ دشمنی کا ساخشانہ تھا اور مقتول پارٹی پر چند سال پہلے بھی دو حملے کیے جا چکے تھے لیکن پہلے حملوں میں مقتول رانا افتخار عرف رانا کھاری محفوظ رہے جبکہ اس کے ساتھی جان بحق ہوئے .
سی پی او نے کہاکہ ملزمان کی گرفتاری پولیس کے لیے ایک چیلنج تھی لیکن پولیس نے سائنٹیفک انداز میں تحقیقات کرتے ہوئے صرف دو دن میں تمام قاتلوں کو گرفتارکرلیا اور گرفتارہونے والے ملزمان میں سے دو ملزم پہلے بھی قتل کے مقدمات میں اشتہاری تھے .سی پی او نے کہاکہ گوجرانوالہ پولیس ایک سال میں ساٹھ کے قریب اشتہاریوں کو بیرون ممالک سے پکڑ کر واپس لاچکی ہے اور کوئی بھی مجرم پولیس کے ہاتھ سے نہیں بچ سکے گا ..