انگلش کاؤنٹی کلب یارک شائرنے پاکستان کے فاسٹ بولرحسن علی کو سائن کر لیا

انگلینڈ کی کاؤنٹی کرکٹ ٹیم یارکشائر کاؤنٹی کرکٹ کلب نے پاکستان کے فاسٹ بولر حسن علی کو رواں سیزن کے لیے ویٹیلٹی بلاسٹ میں اوورسیز کھلاڑی کے طور پر سائن کر لیا ہے۔

کلب کی جانب سے جاری اعلامیے کے مطابق حسن علی نہ صرف ٹی ٹوئنٹی بلاسٹ میں ٹیم کی نمائندگی کریں گے بلکہ دو کاؤنٹی چیمپئن شپ میچز میں بھی شرکت کریں گے انہیں اسکواڈ میں شامل کرنے کا فیصلہ افغان فاسٹ بولر نوین الحق کی انجری کے باعث کیا گیا ہے، جو اس وقت ٹیم کے لیے دستیاب نہیں ہیں۔

یارکشائر کے جنرل منیجر آف کرکٹ گیون ہیملٹن کا کہنا ہے کہ حسن علی کا تجربہ اور مہارت ٹیم کے لیے قیمتی اضافہ ثابت ہوں گے، اور کلب انہیں اگلے ماہ ہیڈنگلے میں خوش آمدید کہنے کا منتظر ہے۔