سموگ کے باعث پنجاب کے 10 شہروں میں جمعہ اور ہفتے کو تعلیمی ادارے بند رکھنے کا فیصلہ
اردو انٹرنیشنل (مانیٹرنگ ڈیسک )سموگ کی صورتحال کے حوالے سے نگران وزیراعلی محسن نقوی کی زیر صدارت اجلاس ہوا جس میں فیصلہ کیا گیا کہ سموگ کے باعث لاہور سمیت 10 اضلاع میں جمعہ اور ہفتے کو تعلیمی ادارے بند رکھیں گے۔سموگ کے پیش نظر پنجاب حکومت نے اہم فیصلے کیے ہیں. وزیراعلی محسن نقوی کی زیر صدارت اجلاس میں سموگ پر قابو پانے کے حوالے سے مختلف تجاویز بھی زیر غور آئیں۔
پنجاب حکومت نے جمعہ اور ہفتے کو 10 اضلاع میں تعلیمی ادارے بند رکھنے کا فیصلہ کیا ہے۔اجلاس میں فیصلہ کیا گیا ہے ہفتے کو مارکیٹیں دوپہر تین بجے کے بعد کھلیں گی۔ اتوار کو مارکیٹیں مکمل طور پر بند رہیں گی۔اتوار کو صبح سے شام پانچ بجے تک مال روڈ پر سائیکلنگ ہوگی۔نگران وزیراعلی نے سڑکوں پر پانی کا چھڑکاؤ ڈبل کرنے کا فیصلہ کر لیا اور شہریوں سے ماسک پہننے کی بھی ہدایت کی۔
اجلاس میں سموگ کے تدراک کے لیے سافٹ سموگ لاک ڈاؤن لگانے کی تجاویز تیار کی گئیں۔شہر میں پبلک اور پرائیویٹ گاڑیوں کو بھی محدود کرنے کی تجویز زیر غور ہے جبکہ سرکاری دفاتر میں آدھے ملازمین کام کریں گے۔جمعہ اور ہفتے کو شہر میں ناکے لگانے کی بھی تجویز پر غور کیا جائے گا۔
جب کہ لاہور ہائیکورٹ نے آلودگی کے باعث سیل کی گئی فیکٹریوں کو ڈی سیل کرنے پر سخت برہمی کا اظہار کرتے ہوئے عدالتی اجازت کے بغیر فیکٹریوں کو ڈی سیل کرنے سے روک دیا۔
