https://urduintl.com/cristiano-ronaldo-sets-a-unique-record-in-football-history-Getty Images
کرسٹیانو رونالڈو نے فٹ بال کی تاریخ میں ایک اور بڑا اعزاز اپنے نام کر لیا پرتگالی سپر اسٹار دنیا کے پہلے فٹبالر بن گئے ہیں جنہوں نے تین مختلف بڑی قومی لیگز میں 100 یا اس سے زائد گول اسکور کیے۔
یہ تاریخی سنگِ میل انہوں نے النصر کی الشباب کے خلاف 2-4 کی فتح کے دوران عبور کیا، جہاں رونالڈو نے 75ویں منٹ میں گول کرکے سعودی پرو لیگ میں اپنے 100 گول مکمل کیے انہوں نے یہ کارنامہ صرف 105 میچز میں انجام دیا۔
اس سے قبل رونالڈو مانچسٹر یونائیٹڈ کے لیے پریمیئر لیگ میں 103 اور ریال میڈرڈ کی جانب سے لا لیگا میں 311 گول کر چکے ہیں، جبکہ جوونٹس ایف سی کے ساتھ سیری اے میں بھی 81 گول اسکور کر چکے ہیں۔
رونالڈو چار مختلف لیگز میں گولڈن بوٹ جیتنے والے پہلے فٹبالر بھی ہیں، جبکہ النصر کو امید ہے کہ وہ اس سیزن میں ٹیم کو سعودی پرو لیگ اور اے ایف سی چیمپئنز لیگ ٹو کے ٹائٹل جتوانے میں اہم کردار ادا کریں گے۔
