بنگلہ دیش نے چیمپئنز ٹرافی کیلئے نیا نائب کپتان مقرر کر دیا

اردوانٹرنیشنل (اسپورٹس ڈیسک) تفصیلات کے مطابق بنگلہ دیش کرکٹ بورڈ (بی سی بی) نے جمعرات کو انکشاف کیا کہ آل راؤنڈر مہدی حسن میراز آئندہ آئی سی سی چیمپئنز ٹرافی میں بنگلہ دیشی ٹیم کے نائب کپتان کا کردار ادا کریں گے۔

مہدی جو 103 ون ڈے کھیل چکے ہیں، نے حال ہی میں ویسٹ انڈیز کے دورے کے دوران ٹیم کی کپتانی کی.

بی سی بی نے اس بات کی بھی تصدیق کی کہ تیز گیند باز حسن محمود اور خالد احمد دبئی میں تربیت کے لیے اسکواڈ میں شامل ہوں گے۔

بی سی بی نے ایک بیان میں کہا کہ تیز گیند باز حسن محمود اور خالد احمد بنگلہ دیش چیمپئنز ٹرافی اسکواڈ کے ساتھ تربیت کے لیے ہفتہ کو دبئی جائیں گے باؤلر 20 فروری کو دبئی میں ہندوستان کے خلاف بنگلہ دیش کے ٹورنامنٹ کے افتتاحی میچ کے بعد وطن واپس آئیں گے۔

واضح رہے کہ بنگلہ دیش کو گروپ اے میں بھارت، پاکستان اور نیوزی لینڈ کے ساتھ رکھا گیا ہے۔

بنگلہ دیش اسکواڈ:نجم الحسین شانتو (کپتان)، سومیا سرکار، تنزید حسن، توحید ہردوئے، مشفق الرحیم، محمود اللہ، جیکر علی انیک، مہدی حسن میراز (نائب کپتان)، رشاد حسین، تسکین احمد، مستفیض الرحمان، پرویز حسین ایمن، نسیم احمد، صبغت حسین، رضوان حسن۔