Prime Minister of Australia hosts reception for Pakistan team in Sydney
سڈنی، یکم جنوری 2024: آسٹریلیا کے وزیر اعظم انتھونی البانی نے پاکستان اور آسٹریلیا کی ٹیموں اور ان کی متعلقہ انتظامیہ کے اعزاز میں پیر کو کری بلی ہاؤس، سڈنی میں ایک استقبالیہ کا اہتمام کیا۔ تقریب میں چیئرمین پی سی بی مینجمنٹ کمیٹی ذکاء اشرف نے بھی شرکت کی۔ آسٹریلیا میں پاکستان کے ہائی کمشنر زاہد حفیظ چوہدری اور کرکٹ آسٹریلیا کے حکام بھی موجود تھے۔
آسٹریلیا کے وزیر اعظم نے دونوں ٹیموں کا پرتپاک خیرمقدم کیا اور پاکستان ٹیم کی میلبورن ٹیسٹ میں شاندار کارکردگی کو سراہا۔ انہوں نے اس دورے کے دوران مہمان ٹیم کے مثالی طرز عمل کی تعریف کی اور کہا کہ وہ سڈنی میں اچھی کرکٹ دیکھنے کے منتظر ہیں ۔
پاکستانی کپتان شان مسعود نے ٹیم کی میزبانی پر آسٹریلوی وزیراعظم کا شکریہ ادا کیا۔ شان نے اس بات پر روشنی ڈالی کہ کس طرح دونوں ٹیمیں اس سیریز میں مثبت کرکٹ کھیل رہی ہیں اور ذکر کیا کہ آپ کے اس طرز عمل نے ہمیں آپ کے ملک کے لیے سفیر بننے کا موقع فراہم کیا ہے۔ انہوں نے یہ بھی امید ظاہر کی کہ ٹیم سڈنی میں اچھی کارکردگی کا مظاہرہ کرے گی تاکہ سیریز کو ایک اعلی نوٹ پر ختم کیا جاسکے۔
پاکستان اور آسٹریلیا کے درمیان تیسرا ٹیسٹ میچ بدھ 3 جنوری سے سڈنی کرکٹ گراؤنڈ میں کھیلا جائے گا۔
