اے آئی روبوٹ نے ٹیبل ٹینس میں سب کو حیران کر دیا

مصنوعی ذہانت (اے آئی) سے لیس ایک جدید روبوٹ نے ٹیبل ٹینس کے میدان میں غیر معمولی کارکردگی دکھاتے ہوئے ماہرین کو حیران کر دیا۔

“ایس” نامی اس روبوٹ کو سونی اے نے تیار کیا، جس نے تجرباتی مقابلوں میں ایک اعلیٰ سطح کے کھلاڑی کے خلاف 5 میں سے 3 میچ جیت لیے، تاہم دو پروفیشنل کھلاڑیوں کے سامنے اسے شکست کا سامنا بھی کرنا پڑا۔

ماہرین کے مطابق یہ پیشرفت اس لیے اہم ہے کہ ٹیبل ٹینس ایک نہایت تیز رفتار کھیل ہے جس میں فوری ردعمل اور مہارت بنیادی حیثیت رکھتے ہیں روبوٹ نے مقابلوں کے دوران مشکل شاٹس، خصوصاً بیک اسپن، کامیابی سے کھیلے جو عام طور پر پیشہ ور کھلاڑیوں کے لیے بھی چیلنج ہوتے ہیں۔

یہ تحقیق معروف سائنسی جریدے نیچر میں شائع ہوئی، جس میں بتایا گیا کہ روبوٹ کی کارکردگی مسلسل بہتر ہو رہی ہے یہ سسٹم ایک خودکار بازو اور متحرک بنیاد پر مشتمل ہے اور متعدد کیمروں کے ذریعے گیند کی رفتار اور اسپن کو ٹریک کرتا ہے۔

ماہرین کا کہنا ہے کہ اے آئی کو شطرنج جیسے کھیلوں سے آگے بڑھا کر تیز رفتار کھیلوں میں شامل کرنا ایک اہم سنگ میل ہے، جو مستقبل میں روبوٹکس اور کھیلوں کی دنیا میں نئی راہیں کھول سکتا ہے۔