Former Pakistani fast bowler Mohammad Amir becomes a British citizen-X
پاکستان کرکٹ ٹیم کے سابق فاسٹ بولر محمد عامر نے مبینہ طور پر برطانوی شہریت حاصل کرلی فاسٹ بولر نے سوشل میڈیا پر ایک پوسٹ شیئر کی جس میں ان کی برطانوی شہریت حاصل کرنے کا ذکر کیا گیا، جبکہ ان کی اہلیہ پہلے ہی برطانوی شہری ہیں۔
محمد عامر 2009 کے ٹی ٹوئنٹی ورلڈکپ اور 2017 کی چیمپئنز ٹرافی جیتنے والی پاکستانی ٹیم کا حصہ رہ چکے ہیں وہ اس سے قبل واضح کرچکے ہیں کہ پاکستان کی نمائندگی کرنے کے باعث وہ انگلینڈ کی جانب سے کرکٹ نہیں کھیلیں گے۔
34 سالہ فاسٹ بولر نے 2024 میں دوسری بار انٹرنیشنل کرکٹ سے ریٹائرمنٹ کا اعلان کیا تھا انہوں نے پاکستان کیلئے 36 ٹیسٹ، 61 ون ڈے اور 62 ٹی ٹوئنٹی میچز کھیلے۔
گزشتہ سال ایک ٹی وی پروگرام میں گفتگو کرتے ہوئے محمد عامر نے کہا تھا کہ انہیں مستقبل میں آئی پی ایل کھیلنے کا موقع مل سکتا ہے اور اگر موقع ملا تو وہ ضرور شرکت کریں گے۔
