Pirates seize oil tanker near Somalia, 11 Pakistani hostages — Government contacts intensify for recovery
اردو انٹرنیشنل (مانیٹرنگ ڈیسک) ڈان نیوزکی خبر کے مطابق صومالیہ کے ساحل کے قریب ہائی جیک کیے گئے آئل ٹینکر میں موجود 11 پاکستانی عملے کے ارکان کی بحفاظت رہائی کیلئے حکومتی کوششیں تیز کر دی گئی ہیں، جبکہ متاثرہ خاندانوں کو مکمل تعاون کی یقین دہانی کرائی گئی ہے۔
گورنر سندھ سید محمد نہال ہاشمی نے اہلِ خانہ سے ملاقات کے بعد کہا کہ وفاقی حکومت ہر سطح پر متحرک ہے اور یرغمالیوں کی جلد واپسی کیلئے تمام ممکنہ اقدامات کیے جا رہے ہیں۔
حکام کے مطابق گزشتہ ہفتے مسلح قزاقوں نے صومالیہ کے قریب آئل ٹینکر کو اپنے قبضے میں لے کر 11 پاکستانیوں اور ایک غیر ملکی کپتان کو یرغمال بنا لیا تھا، جس کے بعد صورتحال حساس ہو گئی ہے۔
گورنر سندھ نے بتایا کہ واقعہ پاکستان کی حدود سے باہر پیش آنے کے باعث کارروائی میں پیچیدگیاں ہیں، تاہم یرغمالیوں سے محدود رابطہ برقرار ہے اور پیش رفت کیلئے مختلف سطحوں پر کوششیں جاری ہیں۔
انہوں نے کہا کہ بین الاقوامی تعاون کے تحت یورپی یونین سمیت دیگر اداروں سے بھی رابطے کیے جا رہے ہیں تاکہ معاملے کو جلد حل کیا جا سکے۔
