کرکٹ کے فروغ کیلئے امارات کا غیرمعمولی فیصلہ، پانچ کھلاڑی شہری بن گئے

متحدہ عرب امارات نے کرکٹ کے فروغ کے لیے ایک اہم اور غیرمعمولی قدم اٹھاتے ہوئے پہلی بار پانچ غیرملکی کرکٹرز کو اماراتی شہریت دے دی ہے۔

شہریت حاصل کرنے والے کھلاڑیوں میں خزیمہ تنویر، اجے کمار، اکشدیپ ناتھ، ہرپریت بھاٹیا اور ادیب عثمانی شامل ہیں، جو اب باضابطہ طور پر اماراتی قومی کرکٹ ٹیم کا حصہ بن گئے ہیں۔

حکام کے مطابق اس اقدام کا مقصد قومی ٹیم کو مزید مضبوط بنانا اور بین الاقوامی سطح پر اس کی کارکردگی کو بہتر بنانا ہے ماہرین کا خیال ہے کہ تجربہ کار کھلاڑیوں کی شمولیت سے ٹیم کو نمایاں فائدہ ہوگا۔

یہ اپنی نوعیت کا پہلا واقعہ ہے جہاں کھلاڑیوں کو شہریت دے کر براہ راست قومی ٹیم میں شامل کیا گیا ہے۔