Sri Lankan bowler Nuwan Thisara reaches court against his own board-AFP
سری لنکن فاسٹ بولر نوان تشارا نے سری لنکا کرکٹ کے خلاف قانونی کارروائی کا آغاز کر دیا ہے میڈیا رپورٹس کے مطابق کھلاڑی نے انڈین پریمیئر لیگ میں شرکت کے لیے این او سی کے اجرا کی درخواست دائر کی ہے۔
درخواست میں مؤقف اختیار کیا گیا ہے کہ بورڈ کو ہدایت دی جائے کہ وہ انہیں لیگ کھیلنے کی اجازت دے، جبکہ کیس کی سماعت 9 اپریل کو کولمبو ڈسٹرکٹ کورٹ میں ہوگی نوان تشارا نے اپنی درخواست میں بورڈ کے صدر، خزانچی اور سی ای او کو فریق بنایا ہے۔
واضح رہے کہ سری لنکا کرکٹ نے فٹنس ٹیسٹ میں ناکامی کی بنیاد پر انہیں این او سی دینے سے انکار کیا تھا، حالانکہ ان کا معاہدہ رائل چیلنجرز بنگلور کے ساتھ ہو چکا ہے۔
کرکٹر کا مؤقف ہے کہ ان کا بورڈ کے ساتھ معاہدہ 31 مارچ کو ختم ہو چکا ہے اور وہ پہلے ہی بین الاقوامی کرکٹ سے کنارہ کشی کا اعلان کر چکے ہیں، اس لیے این او سی روکنا غیر منصفانہ اقدام ہے۔
