Pakistan's 15-member squad led by Shaheen Afridi arrives in Dhaka-PCB
پاکستان کرکٹ ٹیم بنگلا دیش کے خلاف وائٹ بال سیریز کے لیے ڈھاکا پہنچ گئی ہے، جہاں قومی اسکواڈ کی قیادت فاسٹ بولر شاہین شاہ آفریدی کر رہے ہیں ٹیم آج سے سیریز کی تیاریوں کا آغاز کرے گی۔
پاکستان اور بنگلا دیش کے درمیان تین ون ڈے انٹرنیشنل میچز 11، 13 اور 15 مارچ کو شیر بنگلا کرکٹ اسٹیڈیم میں کھیلے جائیں گے۔
دورۂ بنگلا دیش کے لیے 15 رکنی اسکواڈ میں شاہین شاہ آفریدی کے علاوہ عبدالصمد، ابرار احمد، فہیم اشرف، فیصل اکرم، حارث رؤف، حسین طلعت اور معاذ صداقت شامل ہیں اسکواڈ میں محمد رضوان، محمد وسیم جونیئر، محمد غازی غوری، سعد مسعود، صاحبزادہ فرحان، سلمان علی آغا اور شمائل حسین بھی شامل ہیں۔
قومی ٹیم سیریز سے قبل پریکٹس سیشنز کے ذریعے اپنی تیاریوں کو حتمی شکل دے گی۔
