ٹی ٹوئنٹی ورلڈ کپ کے سپر ایٹ مرحلے کے اہم میچ میں بھارت نے ویسٹ انڈیز کو سنسنی خیز مقابلے کے بعد شکست دے کر سیمی فائنل کے لیے کوالیفائی کرلیا۔
ایڈن گارڈنز میں کھیلے گئے گروپ ون کے میچ میں ویسٹ انڈیز نے پہلے بیٹنگ کرتے ہوئے مقررہ 20 اوورز میں 4 وکٹوں کے نقصان پر 195 رنز اسکور کیے کپتان شے ہوپ نے 32، روسٹن چیز نے 40 اور رومین پاول نے 34 رنز بنائے جبکہ جیسن ہولڈر 37 رنز کے ساتھ ناٹ آؤٹ رہے۔
بھارت کی جانب سے جسپریت بمراہ نے دو کھلاڑیوں کو آؤٹ کیا۔
ہدف 196 رنز کے تعاقب میں بھارت نے آخری اوور میں پانچ وکٹوں کے نقصان پر مطلوبہ اسکور حاصل کرلیا سنجو سیمسن نے 97 رنز کی ناقابلِ شکست اننگز کھیل کر ٹیم کی فتح میں کلیدی کردار ادا کیا، جبکہ تلک ورما نے 27 رنز کی اننگ کھیلی۔
ویسٹ انڈیز کے جیسن ہولڈر اور شمار جوزف نے دو، دو وکٹیں حاصل کیں، تاہم بھارتی بیٹنگ لائن نے دباؤ میں عمدہ کارکردگی دکھاتے ہوئے میچ اپنے نام کرلیا۔
