Punjab wins Quaid-e-Azam Inter-Provincial Games Photo-APP
اردو انٹرنیشنل (اسپورٹس ویب ڈیسک) تفصیلات کے مطابق پنجاب نے قائد اعظم بین الصوبائی گیمز 2024 جیت لیں، پنجاب نے مجموعی طور پر 174 میڈلز کے ساتھ قائد اعظم بین الصوبائی گیمز اپنے نام کیں۔
پنجاب نے 79 گولڈ، 53 سلور، 42 کانسی کے تمغے جیتے، میڈلز ٹیبل پر خیبرپختونخوا نے 97 میڈلز کے ساتھ دوسری پوزیشن حاصل کی، خیبرپختونخوا نے 28 گولڈ، 31 سلور، 38 کانسی کے تمغے اپنے نام کیے۔
اس کے علاوہ سندھ نے قائد اعظم بین الصوبائی گیمز میں تیسری پوزیشن حاصل کی، سندھ نے مجموعی طور پر 79 میڈلز حاصل کیےجن میں 16 گولڈ، 28 سلور، 35 کانسی کے تمغے اپنے نام کیے۔
بلوچستان نے مجموعی طور پر 62 تمغے حاصل کیے،جن میں 14 گولڈ، 16 سلوراور 32 کانسی کے تمغے شامل تھے اور اسلام آباد نے مجموعی طور پر 56 میڈلز اپنے نام کیے،جن 6 گولڈ، 11 سلور، 39 کانسی کے تمغے شامل تھے۔
گلگت بلتستان نے مجموعی طور پر 22 تمغے جیتے،جن میں2 گولڈ، 2 سلور، 18 کانسی کے تمغے شامل تھے۔
آزادکشمیر کی میڈلز ٹیبل پر آخری پوزیشن رہی، آزاد کشمیر نے صرف ایک گولڈ میڈل جیتا، آزادکشمیر نے 5 سلور، 20 کانسی کے تمغوں کے ساتھ مجموعی طور پر 26 تمغے حاصل کئے۔
