BCCI Vice President breaks silence on Pakistan's threat to boycott World Cup 2026-Image Credit: ICC
بی سی سی آئی کے نائب صدر نے پاکستان کے ورلڈ کپ 2026 کے بائیکاٹ کی دھمکی پر خاموشی توڑ دی
اردو انٹرنیشنل (اسپورٹس ڈیسک ) تفصیلات کے مطابق بورڈ آف کنٹرول فار کرکٹ ان انڈیا (بی سی سی آئی) کے نائب صدر راجیو شکلا نے پاکستان کی جانب سے 2026 کےٹی ٹوئنٹی ورلڈ کپ کا بائیکاٹ کرنے کی خبروں پر ردعمل ظاہر کیا جس کی میزبانی بھارت کرے گا .
اتر پردیش پریمیئر لیگ کے کھلاڑیوں کی نیلامی سے خطاب کرتے ہوئے شکلا نے زور دے کر کہا کہ بی سی سی آئی پاکستان کے سفر کے لیے ان کی حکومت کی منظوری کا انتظار کر رہا ہے۔
انہوں نے یہ بھی کہا کہ پاکستان ٹی ٹوئنٹی ورلڈ کپ 2026 میں شرکت کے حوالے سے جو چاہے کہہ سکتا ہے، جس کی میزبانی بھارت سری لنکا کے ساتھ مل کر کرے گا۔
شکلا نے کہا کہ پاکستان 2026 کے ورلڈ کپ کے دوران ہندوستان آنے کے بارے میں جو چاہے کہہ سکتا ہے لیکن ہم صرف چیمپئنز ٹرافی میں شرکت کے لیے ہندوستانی حکومت کی منظوری کا انتظار کر رہے ہیں۔
دوسری جانب بی سی سی آئی کے ایک اور سینئر عہدیدار نے اعتراف کیا کہ اگر ہندوستان چیمپئنز ٹرافی کے لیے پاکستان کا سفر نہیں کرتا ہے تو پاکستان کرکٹ بورڈ ردعمل ظاہر کرے گا۔
بی سی سی آئی کے ایک سینئر عہدیدار نے کہا کہ یقینا، ہم جوابی کارروائی کی توقع کرتے ہیں اگر ہم پاکستان نہ گئے تو ایشیا کپ کے بائیکاٹ کی دھمکی دیں گے لیکن پی سی بی کو سمجھنا چاہیے کہ یہ بی سی سی آئی کے ہاتھ میں نہیں ہے کسی ٹیم کو بیرون ملک بھیجنے کے لیے حکومت کی اجازت درکار ہوتی ہے اب تک ہم چیمپئنز ٹرافی کے حوالے سے مکالمے کر چکے ہیں لیکن ہمارے پاس کوئی مثبت نتیجہ نہیں نکلا۔
پی سی بی غیر جانبدار مقام یا پلان بی کی افواہوں کے باوجود چیمپیئنز ٹرافی 2025 کے تمام میچز کی میزبانی ملک میں کرانے کے اپنے موقف پر قائم ہے بتایا گیا تھا کہ ہندوستانی کرکٹ ٹیم پاکستان کا دورہ نہیں کرے گی اور اپنے میچ غیر جانبدار مقام پر نہیں کھیلے گی۔
تین مقامات کراچی، راولپنڈی اور لاہور ، 8 ٹیموں کے میچز کی میزبانی کریں گے اور پی سی بی کے آئی سی سی کو بھیجے گئےمجوزہ شیڈول کے مطابق، ہندوستان کے تمام میچ لاہور میں ہوں گے۔
بھارت کے علاوہ چیمپئنز ٹرافی میں شرکت کرنے والی تمام 8 ٹیمیں پہلے ہی پاکستان میں کھیل چکی ہیں اور پی سی بی کا خیال ہے کہ بھارت کے پاس یہاں نہ آنے کی کوئی مضبوط وجہ نہیں ہے۔
چیمپئنز ٹرافی کی مجوزہ تاریخیں 19 فروری سے 9 مارچ تک ہیں۔
