محسن نقوی کی انگلینڈ کرکٹ بورڈ کے چیئرمین سے ملاقات

اردو انٹرنیشنل (اسپورٹس ڈیسک) تفصیلات کے مطابق پاکستان کرکٹ بورڈ (پی سی بی) کے چیئرمین محسن نقوی کی انگلینڈ و ویلز کرکٹ بورڈ کے چیئرمین رچرڈ تھامسن و چیف ایگزیکٹو آفیسر رچرڈ گولڈ سے ملاقات ہوئی۔

دونوں کرکٹ بورڈ کے چیئرمینز کے درمیان اکتوبر میں پاکستان میں پاک انگلینڈ ٹیسٹ کرکٹ سیریز پر بات چیت ہوئی اور ٹوئنٹی ورلڈ کپ کی تیاریوں کے حوالے سے بھی گفتگو ہوئی اور دونوں ے ٹی ٹوئنٹی ورلڈ کپ کے لئے ایک دوسرے کے لئے نیک خواہشات کا اظہار کیا۔

محسن نقوی نے ٹی ٹوئنٹی کرکٹ سیریز میں بہترین انتظامات پر چئیرمین انگلینڈ اینڈ ویلز کرکٹ بورڈ کا شکریہ ادا کیا اور رچرڈ تھامسن کو پاک انگلینڈ سیریز پر دورہ پاکستان کی دعوت دی۔

محسن نقوی نے آئندہ برس پاکستان میں چیمپئنز ٹرافی کے انعقاد کے انتظامات سے انگلش بورڈ کے چیئرمین کو آگاہ کرتے ہوئے کہا کہ کرکٹ کھیل کے ساتھ دلوں کو جوڑتا ہے۔