اردو انٹرنیشنل (اسپورٹس ویب ڈیسک) تفصیلات کے مطابق اسپین میں پہلی بار مکمل طور پر ایک ٹرانس جینڈرمردوں پر مشتمل فٹ بال ٹیم نے علاقائی لیگ میں اپنا آغاز کیا ہے اور کئی انتظامی چیلنجز اور تعصب کا سامنا کرنے کے باوجود یہ یورپ کی پہلی ٹیم ہے جو فیڈریشن کا درجہ حاصل کرنے میں کامیاب ہوئی ہے۔
اس ٹیم کا نام “فینکس ایف سی” رکھا گیا ہے، جو ایک افسانوی پرندے کا نام ہے اورنئی زندگی کی علامت ہے۔ اس ٹیم نے پچھلے سیزن میں کچھ دوستانہ میچ اور سات کھلاڑیوں کی گیمز کھیلی تھیں۔ اب یہ ٹیم بارسلونا کے قریب ایک مقامی کلب کے ساتھ شامل ہو گئی ہے اور کاتالونیا کے شمال مغربی علاقے کی پانچویں درجے کی لیگ میں کھیل رہی ہے۔ یہ ٹیم سینٹ فیلیو ڈی لوبریگٹ میں موجود ہے۔
