سلہٹ ٹیسٹ: پاکستان کا ٹاس جیت کر پہلے بولنگ کا فیصلہ، ٹیم میں بڑی تبدیلیاں

پاکستان اور بنگلہ دیش کے درمیان سلہٹ میں جاری دوسرے ٹیسٹ میچ میں مہمان ٹیم پاکستان نے ٹاس جیت کر پہلے بولنگ کرنے کا فیصلہ کیا ہے۔

بارش کے امکانات کے باعث میچ متاثر ہونے کا خدشہ موجود ہے، تاہم پہلے اور دوسرے سیشن کا کھیل مکمل ہونے کی توقع ہے جبکہ تیسرے سیشن میں بارش رکاوٹ بن سکتی ہے۔

پاکستان نے دوسرے ٹیسٹ کے لیے اپنی پلیئنگ الیون میں تین تبدیلیاں کی ہیں امام الحق اور شاہین شاہ آفریدی کو اسکواڈ میں شامل نہیں کیا گیا، جبکہ ان کی جگہ بابر اعظم اور خرم شہزاد کو ٹیم کا حصہ بنایا گیا ہے اس کے علاوہ اسپنر نعمان علی کی جگہ ساجد خان کو حتمی الیون میں شامل کیا گیا ہے۔

واضح رہے کہ ڈھاکا میں کھیلے گئے پہلے ٹیسٹ میچ میں بنگلادیش نے پاکستان کو 104 رنز سے شکست دی تھی، جس کے بعد قومی ٹیم سیریز برابر کرنے کے لیے میدان میں اتری ہے۔