مردان میں دہشت گردوں سے مقابلے میں ایس پی شہید، ڈی ایس پی زخمی
مردان میں دہشت گردوں سے مقابلے میں ایس پی شہید، ڈی ایس پی زخمی
اردو انٹرنیشنل(مانیٹرنگ ڈیسک) تفصیلات کے مطابق مردان کے علاقے زرہ مٹہ، کاٹلنگ میں پولیس کے انٹیلی جنس بیسڈ آپریشن کے دوران دہشت گردوں کی فائرنگ سے ایس پی اعجاز خان شہید، جبکہ ڈی ایس پی سمیت 3 اہلکار شدید زخمی ہو گئے۔
ترجمان سی ٹی ڈی کے مطابق مردان کے علاقے زڑہ متہ میں پولیس اور دہشتگردوں کے درمیان فائرنگ کے تبادلے میں ایس پی اعجاز خان شہید ہوگئے جب کہ پولیس کی جوابی فائرنگ سے 2 مطلوب دہشتگرد مارے گئے۔
ریسکیو ذرائع کے مطابق 1122 کی میڈیکل ٹیم نے شہید اور زخمیوں کو ایم ایم سی اسپتال منتقل کر دیا ہے.
