زرداری پر سازش کا الزام لگانے کے کیس میں شیخ رشید کی عبوری ضمانت میں توسیع
زرداری پر سازش کا الزام لگانے کے کیس میں شیخ رشید کی عبوری ضمانت میں توسیع
اردو انٹرنیشنل(مانیٹرنگ ڈیسک) تفصیلات کے مطابق ڈسٹرکٹ اینڈ سیشن کورٹس اسلام آباد نے سابق صدر آصف علی زرداری پرمبینہ سازش کے الزام کے کیس میں شیخ رشید کی عبوری ضمانت میں توسیع کر دی ہے.
جوڈیشل مجسٹریٹ ڈاکٹر سہیل تھہیم نے کیس پرسماعت کی، شیخ رشید احمد اپنے وکلاء سردار شہباز اور دیگر کے ہمراہ عدالت پیش ہوئے.
شیخ رشید نے پیشی کے دوران عدالت سے استدعا کی کہ ان کی طبعیت ٹھیک نہیں اس لیے رمضان کے بعد کی کوئی تاریخ دے دیں جس پر عدالت نے شیخ رشید کی عبوری ضمانت میں توسیع کرتے ہوئے آئندہ سماعت پر دلائل طلب کر لیے۔
یاد رہے کہ شیخ رشید احمد نے اپنے بیان میں آصف زرداری پربانی پی ٹی آئی کے قتل کا الزام لگایا تھا۔ جس پر شیخ رشید کے خلاف تھانہ آبپارہ میں مقدمہ درج ہے۔
