اردوانٹرنیشنل (اسپورٹس ڈیسک) تفصیلات کے مطابق پاکستان کے کرکٹ اسٹار، بشمول صائم ایوب اور سلمان علی آغا نے حالیہ میچوں میں اپنی غیر معمولی کارکردگی کی بدولت وائٹ بال اور ریڈ بال دونوں فارمیٹ میں آئی سی سی کی تازہ ترین درجہ بندی میں متاثر کن پیش قدمی کی۔
آئی سی سی ون ڈے بیٹر رینکنگ میں، پاکستان کے کپتان محمد رضوان 612 ریٹنگ پوائنٹ کے ساتھ 24 ویں سے 21 ویں نمبر پر پہنچ گئے۔
ابھرتے ہوئے اسٹار صائم ایوب جنہیں پاکستان کی جنوبی افریقہ کے خلاف 3-0 سے فتح کے بعد سیریز کا بہترین کھلاڑی قرار دیا گیا، 57 پوائنٹ کی نمایاں چھلانگ لگا کر 603 ریٹنگ پوائنٹ کے ساتھ 23 ویں پوزیشن پر پہنچ گئے۔
ان کی شاندار کارکردگی، جس میں سیریز میں 2 سنچریاں شامل تھیں، نے انہیں مضبوطی سے سرفہرست کھلاڑیوں میں شامل کیا۔
سلمان علی آغا نے بھی نمایاں بہتری کا مظاہرہ کرتے ہوئے 468 ریٹنگ پوائنٹ کے ساتھ 28 درجے ترقی کر کے 80 ویں نمبر پر پہنچ گئے۔
پاکستان کے اوپننگ بلے بازوں فخر زمان اور امام الحق میں معمولی کمی دیکھی گئی، دونوں ایک ایک مقام گر کر بالترتیب 17ویں اور 19ویں نمبر پر آگیا۔
بابر اعظم ون ڈے رینکنگ میں پہلے نمبر پر براجمان ہیں، بھارت کے روہت شرما اور شبمن گل دوسرے اور تیسرے نمبر پر ہیں۔
ون ڈے باولنگ رینکنگ میں حارث رؤف 15 ویں سے 16 ویں نمبر پر آگئے ہیں جب کہ محمد وسیم جونیئر 61 ویں نمبر پر ہیں۔
نسیم شاہ 10 درجے چھلانگ لگا کر 61 ویں سے 51 ویں نمبر پر آگئے ہیں جبکہ محمد نواز 6 درجے گر کر 73 ویں نمبر پر آ گئے ہیں۔
ون ڈے باولر رینکنگ میں راشد خان پہلے نمبر پر برقرار ہیں، شاہین آفریدی تیسرے نمبر پر آ گئے، بھارت کے کلدیپ یادیو دوسرے نمبر پر ہیں۔
ٹی ٹوئنٹی رینکنگ میں بابر اعظم اور محمد رضوان بالترتیب چھٹے اور آٹھویں نمبر پر ہیں جبکہ صائم ایوب ایک درجہ ترقی کر کے 57 ویں نمبر پر ہیں۔
آؤٹ ہونے کے باوجود فخر زمان اور افتخار احمد ایک درجہ ترقی کر کے بالترتیب 68 ویں اور 78 ویں نمبر پر پہنچ گئے ہیں۔
آسٹریلیا کے ٹریوس ہیڈ ٹی ٹوئنٹی بلے بازوں کی درجہ بندی میں سرفہرست ہیں، اس کے بعد انگلینڈ کے فل سالٹ اور ہندوستان کے تلک ورما ہیں۔
شاہین آفریدی ٹی ٹوئنٹی باولر رینکنگ میں دو درجے گر کر اب 599 ریٹنگ پوائنٹ کے ساتھ 23 ویں نمبر پر ہیں حارث رؤف بھی تنزلی کے ساتھ 28ویں نمبر پر آ گئے۔
نوجوان فاسٹ باولر عباس آفریدی ایک درجہ تنزلی کے ساتھ 43 ویں نمبر پر پہنچ گئے جبکہ شاداب خان قدرے بہتری کے ساتھ دو درجے ترقی کے ساتھ 69 ویں نمبر پر پہنچ گئے۔
ٹیسٹ رینکنگ میں بابر اعظم ٹیسٹ بلے بازوں کی رینکنگ میں دو درجے اوپر آگئے، 670 ریٹنگ پوائنٹ کے ساتھ 15ویں نمبر پر پہنچ گئے۔
سلمان علی آغا اور محمد رضوان بالترتیب 18ویں اور 19ویں نمبر پر آگئے ہیں۔
امام الحق اور عبداللہ شفیق دونوں میں کمی دیکھی گئی ہے، وہ بالترتیب 44ویں اور 50ویں نمبر پر ہیں۔
ٹیسٹ باولنگ رینکنگ میں نعمان علی ایک درجہ ترقی کے بعد 9 ویں نمبر پر آگئے ہیں جب کہ شاہین آفریدی 18 ویں نمبر پر موجود ہیں۔
حسن علی اور ساجد خان بالترتیب 38ویں اور 40ویں پوزیشن پر برقرار ہیں نسیم شاہ 41ویں جبکہ ابرار احمد اور خرم شہزاد 58ویں اور 60ویں نمبر پر موجود ہیں۔
ٹیسٹ باؤلر رینکنگ میں ہندوستان کے جسپریت بمرا بدستور سرفہرست ہیں، اس کے بعد جنوبی افریقہ کے کگیسو ربادا اور آسٹریلیا کے جوش ہیزل ووڈ تیسرے نمبر پر ہیں۔
