Rohit Sharma keen on India-Pak Test series
اردو انٹرنیشنل(اسپورٹس ڈیسک) تفصیلات کے مطابق بھارتی کپتان روہت شرما روایتی حریف پاکستان کے خلاف ٹیسٹ سیریز کھیلنے میں دلچسپی رکھتے ہیں۔
ہندوستان اور پاکستان نے آخری بار 2007 میں ٹیسٹ سیریز کھیلی تھی جب انیل کمبلے کی قیادت والی ٹیم نے تین میچوں کی سیریز 1-0 سے جیتی تھی۔
انگلینڈ کے سابق کپتان مائیکل وان نے پوڈ کاسٹ کلب پریری فائر پر بات کرتے ہوئے روہت سے پوچھا تھا: کیا آپ کو نہیں لگتا کہ ہندوستان کا پاکستان سے باقاعدگی سے کھیلنا ٹیسٹ کرکٹ کے لیے لاجواب ہوگا؟
روہت نے جواب دیا کہ میں اس پر پوری طرح یقین رکھتا ہوں وہ ایک اچھی ٹیم ہیں ۔
ان کے پاس شاندار باؤلنگ لائن اپ ہے میرے خیال میں یہ ایک اچھا مقابلہ ہوگا خاص طور پر اگر آپ بیرون ملک میں کھیلتے ہیں تو بہت اچھا ہو جائے گا.
“میرے خیال میں ہندوستان اور پاکستان کے درمیان کھیلا جانے والا آخری ٹیسٹ میچ 2006 یا 2007 میں کھیلا گیا تھا، جہاں وسیم جعفر نے کولکتہ میں ڈبل سنچری بنائی تھی۔”
وان نے پھر روہت سے پوچھاکیا وہ پاکستان کے ساتھ باقاعدہ سیریز دیکھنا پسند کریں گے؟
روہت نے جواب دیا میں پسند کروں گا ہم مقابلہ میں شامل ہونا چاہتے ہیں میرے خیال میں یہ دونوں فریقوں کے درمیان زبردست مقابلہ ہوگا ہم بہرحال ان کے ساتھ آئی سی سی ٹورنامنٹس میں کھیلتے ہیں تو یہ بھی کوئی فرق نہیں پڑتا مجھے صرف خالص کرکٹ میں دلچسپی ہے میں اور کچھ نہیں دیکھ رہا ہوں۔
