Rashid Khan becomes first bowler to take 700 wickets in T20 cricket-AFP
افغانستان کے مایہ ناز لیگ اسپنر راشد خان نے ٹی ٹوئنٹی کرکٹ میں ایک اور تاریخی سنگ میل عبور کر لیا وہ 700 وکٹیں حاصل کرنے والے دنیا کے پہلے گیند باز بن گئے ہیں۔
انہوں نے یہ اعزاز ورلڈ کپ کے ایک میچ میں متحدہ عرب امارات کے خلاف وکٹ حاصل کرکے اپنے نام کیا اس کامیابی کے ساتھ راشد خان نے ٹی ٹوئنٹی کرکٹ میں اپنی برتری مزید مستحکم کر لی ہے۔
اس سے قبل ویسٹ انڈیز کے مایہ ناز آل راؤنڈر ڈیوین براوو 631 وکٹوں کے ساتھ دوسرے نمبر پر تھے، تاہم راشد خان انہیں فروری 2025 میں پیچھے چھوڑ چکے تھے تیسرے نمبر پر ویسٹ انڈیز ہی کے سنیل نارائن 613 وکٹوں کے ساتھ موجود ہیں۔
بین الاقوامی سطح پر بھی راشد خان سب سے زیادہ وکٹیں لینے والے گیند باز ہیں وہ 191 وکٹوں کے ساتھ پہلے نمبر پر براجمان ہیں، جبکہ نیوزی لینڈ کے ٹم ساؤتھی 164 اور ایش سودھی 162 وکٹوں کے ساتھ بالترتیب دوسرے اور تیسرے نمبر پر ہیں۔
