فخر زمان مشکل میں، گیند سے چھیڑ چھاڑ کے الزام پر پی سی بی کی کارروائی

پاکستان کرکٹ بورڈ (پی سی بی) نے لاہور قلندرز کے اوپنر فخر زمان پر بال ٹیمپرنگ کے الزام میں لیول تھری آفینس کے تحت چارج عائد کر دیا ہے یہ الزام پی ایس ایل کے پلیئنگ کنڈیشنز کے آرٹیکل 41.3 کی خلاف ورزی سے متعلق ہے، جو گیند کی حالت تبدیل کرنے سے متعلق ہے۔

پی سی بی کے مطابق میچ ریفری روشن ماہنامہ نے اس معاملے پر ابتدائی سماعت کی، جس میں فخر زمان نے اپنے اوپر لگائے گئے الزامات کو مسترد کر دیا کیس کی مزید سماعت آئندہ 48 گھنٹوں میں متوقع ہے، جس کے بعد حتمی فیصلہ سنایا جائے گا۔

یہ واقعہ لاہور قلندرز اور کراچی کنگز کے درمیان کھیلے گئے میچ کی دوسری اننگز کے دوران پیش آیا، جہاں امپائرز نے گیند کے ساتھ چھیڑ چھاڑ کے شبے پر لاہور قلندرز کے خلاف 5 پنالٹی رنز دیے اور گیند کو تبدیل کر دیا۔