پیٹرول کی قیمت برقرار، ڈیزل 1 روپیہ 77 پیسے فی لیٹر سستا
اردو انٹرنیشنل (مانیٹرنگ ڈیسک) وزارت خزانہ نے پیٹرول کی قیمت کو برقرار رکھنے کا فیصلہ کیا ہے جب کہ ڈیزل کی قیمت میں 1 روپیہ 77 پیسے فی لیٹر کمی کا اعلان کیا ہے۔
وزارت خزانہ کی جانب سے جاری نوٹیفکیشن کے مطابق حکومت نے پیٹرول کی قیمت وہی 279 روپے 75 پیسے برقرار رکھنے کا فیصلہ کیا ہے جب کہ ڈیزل کی قیمت میں 1 روپیہ 77 پیسے فی لیٹر کمی کی گئی ہے۔
نوٹیفیکشن کے مطابق ڈیزل کی نئی قیمت 285 روپے 56 پیسے فی لیٹر مقرر کر دی گئی ہے، اسی طرح لائٹ ڈیزل آئل کی قیمت میں 2 روپے 12 پیسے فی لیٹر کمی کا اعلان کیا گیا ہے۔
نوٹیفکیشن کے مطابق مٹی کے تیل کی قیمت میں ایک روپیہ 35 پیسے فی لیٹر کمی کر دی گئی ہے، نئی قیمتوں کا اطلاق 16 مارچ سے 31 مارچ تک ہو گا۔
