Pashto commentary launched for the first time in PSL 11-X
پاکستان سپر لیگ (پی ایس ایل) کی تاریخ میں پہلی بار پشتو زبان میں کمنٹری متعارف کرادی گئی ہے، جو لیگ کے 11ویں ایڈیشن کا ایک اہم اور منفرد اضافہ ہے یہ اقدام پشاور زلمی کے اشتراک سے کیا گیا ہے، جس کا مقصد خیبر پختونخوا اور پشتو بولنے والے شائقین کرکٹ کو مزید قریب لانا ہے۔
پی ایس ایل سیزن 11 کے باقی میچز میں پشاور زلمی کے مقابلوں کے دوران ایک ڈیجیٹل پلیٹ فارم کے ذریعے پشتو کمنٹری نشر کی جائے گی۔
ایونٹ کا لیگ مرحلہ مکمل ہو چکا ہے، جبکہ کوالیفائر اور دو ایلیمنیٹر میچز کا آغاز آج سے ہوگا کوالیفائر میں پشاور زلمی اور اسلام آباد یونائیٹڈ مدِمقابل ہوں گے، جس کی فاتح ٹیم براہِ راست فائنل میں جگہ بنائے گی۔
پی ایس ایل 11 کے کوالیفائر میچ کی میزبانی کراچی کرے گا، جبکہ دونوں ایلیمنیٹرز اور فائنل لاہور میں کھیلے جائیں گے۔
