Pakistan vs Ireland: Two Pakistani players will not participate in the training camp
اردو انٹرنیشنل (اسپورٹس ڈیسک) تفصیلات کے مطابق حسن علی اور آل راؤنڈر شاداب خان دورہ آئرلینڈ سے قبل جاری تربیتی کیمپ میں شرکت نہیں کریں گے۔
شاداب اور حسن جو اس وقت واروکشائر کے لیے کاؤنٹی کرکٹ کھیل رہے ہیں آئرلینڈ میں اسکواڈ کو جوائن کریں گے۔
پاکستانی ٹیم 4 سے 6 مئی تک لاہور میں تین روزہ کیمپ کے بعد 7 مئی کو ڈبلن روانہ ہوگی۔
فاسٹ بولر شاہین آفریدی اور بلے باز اعظم خان آج کیمپ جوائن کریں گے جب کہ اسکواڈ کے باقی ارکان نے قذافی اسٹیڈیم میں ٹریننگ شروع کردی ہے۔
پاکستانی ٹیم آئرلینڈ میں تین ٹی ٹوئنٹی کھیلے گی جس کے بعد انگلینڈ میں چار ٹی ٹوئنٹی کھیلے گی انگلینڈ سیریز کے بعد پاکستان ٹی ٹوئنٹی ورلڈ کپ میں شرکت کے لیے امریکا روانہ ہوگا۔
آئرلینڈ اور انگلینڈ کے لیے ٹی ٹوئنٹی پاکستانی اسکواڈ
بابر اعظم، ابرار احمد، اعظم خان، فخر زمان، حارث رؤف، حسن علی، افتخار احمد، عماد وسیم، محمد عباس آفریدی، محمد عامر، محمد رضوان، عرفان خان، نسیم شاہ، صائم ایوب، سلمان آغا، شاداب خان، شاہین آفریدی، عثمان خان
