Pakistan Shaheens win thrilling final to clinch Asia Cup Rising Stars title-ACC
قطر کے دارالحکومت دوحہ میں کھیلے گئے ایشیاء کپ رائزنگ اسٹارز کے سنسنی خیز فائنل میں پاکستان شاہینز نے بنگلادیش اے کو سپر اوور میں شکست دے کر ٹائٹل اپنے نام کر لیا۔
سپر اوور میں پاکستان نے 7 رنز کا ہدف 4 گیندوں پر حاصل کر لیا اس کامیابی کے ساتھ پاکستان نے تیسری مرتبہ ایشین ٹائٹل جیتا۔
اس سے قبل پاکستان شاہینز کی ٹیم 20 اوورز میں 125 رنز بنا کر آؤٹ ہوئی تھی جس کے جواب میں بنگلادیش بھی 9 وکٹوں کے نقصان پر 125 رنز تک محدود رہی راکب الحسن، عبدالغفار اور ریپون منڈل کی ذمہ دارانہ بیٹنگ نے میچ کو برابر کر کے سنسنی خیز مرحلے میں داخل کر دیا۔
پاکستان کی جانب سے سفیان مقیم نے 3 جبکہ احمد دانیال اور عرفات منہاس نے 2،2 شکار کیے شاندار کارکردگی پر احمد دانیال فائنل کے بہترین کھلاڑی اور معاذ صداقت ٹورنامنٹ کے بہترین کھلاڑی قرار پائے۔
ایونٹ کی اختتامی تقریب میں ایشین کرکٹ کونسل کے صدر محسن نقوی نے ٹرافی فاتح کپتان کو تھمائی، جبکہ وزیرِ اعظم شہباز شریف اور چیئرمین پی سی بی نے ٹیم کو کامیابی پر مبارک باد دی۔
