اردو انٹرنیشنل (اسپورٹس ویب ڈیسک) تفصیلات کے مطابق پاکستان کو 20 سال بعد ورلڈ سکواش چیمپئن شپ کی میزبانی مل گئی۔
ذرائع کے مطابق پاکستان اگلے سال اپریل میں ورلڈ انڈر 23 سکواش چیمپئن شپ کی میزبانی کرے گا اس کے ساتھ ہی ورلڈ سکواش نے بھی 6 سے 10 اپریل 2025ء تک کراچی میں ایونٹ کے انعقاد کی تصدیق کر دی ہے۔
پہلی ورلڈ انڈر 23 سکواش چیمپئن شپ میں 60 ہزار ڈالرز کی انعامی رقم تقسیم ہو گی۔
واضح رہے کہ پاکستان نے آخری مرتبہ ورلڈ اسکواش ایونٹ کی میزبانی 2005ء میں کی تھی اور اب پاکستان کو 20 سال بعد ورلڈ اسکواش ایونٹ کی میزبانی ملی ہے۔
