محمد رضوان کی آئی سی سی ٹی ٹوئنٹی رینکنگ میں تنزلی

اردوانٹرنیشنل (اسپورٹس ڈیسک) تفصیلات کے مطابق آسٹریلیا کے خلاف حالیہ ٹی ٹوئنٹی سیریز میں شاندار کارکردگی کے بعد پاکستان کے وائٹ بال کپتان محمد رضوان آئی سی سی کی تازہ ترین ٹی ٹوئنٹی رینکنگ میں 2 درجہ تنزلی کی بدولت آٹھویں نمر پر آ گئے ہیں.

رضوان دو درجے گر کر 704 ریٹنگ پوائنٹس کے ساتھ چھٹے سے آٹھویں نمبر پر آگئے۔

سابق کپتان بابر اعظم تاہم 727 پوائنٹس کے ساتھ اپنی پانچویں پوزیشن پر برقرار ہیں۔ان دونوں کے علاوہ، کوئی دوسرا پاکستانی بلے باز ٹی ٹوئنٹی بلے بازوں کی درجہ بندی کے ٹاپ 50 میں شامل نہیں ہے۔

آسٹریلیا کے ٹریوس ہیڈ 855 پوائنٹس کے ساتھ پہلے، انگلینڈ کے فل سالٹ 828 پوائنٹس کے ساتھ دوسرے اور ہندوستان کے تلک ورما 806 پوائنٹس کے ساتھ تیسرے نمبر پر ہیں۔

ٹی ٹوئنٹی باولنگ رینکنگ میں حارث رؤف 603 پوائنٹس کے ساتھ 20ویں نمبر پر ہیں شاہین آفریدی 573 پوائنٹس کے ساتھ دو درجے تنزلی کے ساتھ 26 ویں جبکہ عماد وسیم 535 پوائنٹس کے ساتھ تین درجے گر کر 38 ویں نمبر پر ہیں۔

انگلینڈ کے عادل رشید 701 پوائنٹس کے ساتھ باولنگ رینکنگ میں برتری برقرار رکھے ہوئے ہیں، اس کے بعد سری لنکا کے وینندو ہسرنگا (696) اور آسٹریلیا کے ایڈم زمپا (693) ہیں۔

آئی سی سی ون ڈے رینکنگ میں پاکستان کے اوپنر فخر زمان دو درجے تنزلی کے ساتھ 642 پوائنٹس کے ساتھ 16 ویں نمبر پر آ گئے جبکہ امام الحق 633 پوائنٹس کے ساتھ 18 ویں نمبر پر آ گئے محمد رضوان 604 پوائنٹس کے ساتھ 24 ویں پوزیشن پر براجمان ہیں۔

بابر اعظم 800 پوائنٹس کے ساتھ ٹاپ ون ڈے بلے باز کے طور پر راج کر رہے ہیں، بھارت کے روہت شرما (765) کے ساتھ دوسرے شبمن گل (763) تیسرے نمبر پر ہیں۔

باؤلر میں حارث رؤف نے 605 پوائنٹس کے ساتھ اپنی 15ویں پوزیشن برقرار رکھی عماد وسیم 52 ویں نمبر پر ہیں جبکہ نسیم شاہ 460 پوائنٹس کے ساتھ 61 ویں نمبر پر ہیں۔

ون ڈے بولنگ رینکنگ میں افغانستان کے راشد خان 687 پوائنٹس کے ساتھ سرفہرست ہیں، اس کے بعد پاکستان کے شاہین آفریدی (675) اور جنوبی افریقہ کے کیشو مہاراج (674) ہیں۔