Focusing on economy and security, Shehbaz Sharif will reach Jeddah today
اردو انٹرنیشنل (مانیٹرنگ ڈیسک) ڈان نیوز کی خبر کے مطابق وزیرِاعظم شہباز شریف نے متحدہ عرب امارات کے علاقے خورفکّان پورٹ پر پیش آنے والے واقعے پر گہری تشویش کا اظہار کیا ہے، جہاں میزائل کو فضا میں تباہ کیے جانے کے بعد گرنے والے ملبے سے تین پاکستانی شہری زخمی ہو گئے۔
وزیرِاعظم نے اپنے بیان میں زخمیوں کی جلد صحت یابی کی دعا کرتے ہوئے کہا کہ پاکستان یو اے ای حکام سے مسلسل رابطے میں ہے تاکہ متاثرہ شہریوں کو ہر ممکن سہولت فراہم کی جا سکے۔ انہوں نے خطے میں کشیدگی کم کرنے اور تحمل سے کام لینے کی ضرورت پر بھی زور دیا۔
شارجہ میڈیا آفس کے مطابق واقعہ اس وقت پیش آیا جب فضائی دفاعی نظام نے ایک میزائل کو ناکارہ بنایا، جس کا ملبہ خورفکّان پورٹ پر گرا اور آگ بھڑک اٹھی۔ ریسکیو ٹیموں نے فوری کارروائی کرتے ہوئے آگ پر قابو پا لیا۔
حکام کے مطابق ایک نیپالی شہری شدید زخمی ہوا جبکہ تین پاکستانی شہری معمولی سے درمیانی نوعیت کے زخموں کے ساتھ زیرِ علاج ہیں۔
