Sunday, July 21, 2024
پاکستانلاہور ہائیکورٹ نے ادویات کی قیمتیں مقرر کرنے کا نوٹیفکیشن معطل کر...

لاہور ہائیکورٹ نے ادویات کی قیمتیں مقرر کرنے کا نوٹیفکیشن معطل کر دیا

لاہور ہائیکورٹ نے ادویات کی قیمتیں مقرر کرنے کا نوٹیفکیشن معطل کر دیا

اردو انٹرنیشنل (مانیٹرنگ ڈیسک) تفصیلات کے مطابق محمد اسلم نامی شہری کی جانب سے لاہور ہائیکورٹ میں درخواست دائر کی گئی تھی جس میں مؤقف اختیار کیا تھا کہ ادویات کی قیمتیں مقرر کرنے کے لیے نگراں حکومت نے قانون کے منافی نوٹیفکیشن جاری کیا، نوٹیفکیشن کے بعد ادویات کی قیمتوں میں اضافہ ہو گا۔

درخواست میں مزید کہا گیا کہ حکومت ادویات کی قیمتیں مقرر کرنے کا سیکشن ڈرگ ایکٹ سے نکال رہی ہے، نگران حکومت کے پاس یہ اختیار نہیں، عوامی اور جمہوری حکومت آنے والی ہے یہ اقدام وہ کر سکتی ہے۔

جسٹس شاہد کریم نے ادویات کی قیمتوں کے تعین کے حوالے سے کیس کی سماعت کی۔ درخواست گزار نے عدالت سے استدعا کی کہ کیس کے حتمی فیصلے تک نگران حکومت کا ادویات کے قیمتوں سے متعلق یہ نوٹیفیکیشن معطل کر دیا جائے.
عدالت نے نگران پنجاب حکومت، وفاقی حکومت سمیت دیگر فریقین سے آئندہ سماعت پر جواب طلب کرتے ہوئے ادویات کی قیمتوں میں اضافےکا نوٹیفیکشن معطل کردیا۔

دیگر خبریں

Trending

کینیا: ٹیکس اضافے کے خلاف پرتشدد مظاہروں میں 13...

0
کینیا: ٹیکس اضافے کے خلاف پرتشدد مظاہروں میں 13 افراد ہلاک ، صورتحال پر قابو پانے کیلئے فوج طلب اردو انٹرنیشنل ( مانیٹرنگ ڈیسک)کینیا میں...