خیبر پختونخوا کابینہ کے اراکین آج حلف اٹھائیں گے
اردو انٹرنیشنل (مانیٹرنگ ڈیسک) تفصیلات کے مطابق خیبر پختونخوا کابینہ کے اراکین آج گورنر ہاوس پشاور میں حلف اٹھائیں گے۔
حلف برداری کی تقریب شام ساڑھے 6 بجے گورنر ہاؤس پشاور میں ہوگی، جہاں گورنر خیبرپختونخوا نئی کابینہ سے حلف لیں گے۔
ذرائع کا کہنا ہے کہ خیبرپختونخوا کی نئی کابینہ کیلئے اراکین کے ناموں کی فہرست بھی تیار ہو گئی ہے، فہرست میں 15 سے زیادہ نام شامل ہیں.
کابینہ میں تاج محمد ترند، شکیل خان، ارشد ایوب، مینا خان شامل ہوں گے۔
کابینہ ارکان کی فہرست میں فضل شکور خان، پختون یار، تیمورجھگڑا، ڈاکٹر امجد اور فضل حکیم کے نام بھی شامل ہیں۔