ICC's annual T20 rankings released, India remains at the top-ICC
انٹرنیشنل کرکٹ کونسل نے سالانہ ٹی ٹوئنٹی ٹیم رینکنگ جاری کر دی ہے جس میں ابتدائی سات ٹیموں کی پوزیشنز برقرار رہی ہیں۔
ورلڈ چیمپئن بھارت بدستور پہلے نمبر پر موجود ہے، اگرچہ اس کے پوائنٹس میں ایک کمی ریکارڈ کی گئی ہے انگلینڈ دوسرے، آسٹریلیا تیسرے اور نیوزی لینڈ چوتھے نمبر پر برقرار ہیں، جبکہ جنوبی افریقہ پانچویں، پاکستان چھٹے اور ویسٹ انڈیز ساتویں نمبر پر ہیں۔
رینکنگ میں نمایاں تبدیلی کے تحت بنگلہ دیش ایک درجہ ترقی کے ساتھ آٹھویں نمبر پر آ گیا ہے، جبکہ سری لنکا چھ پوائنٹس کی کمی کے بعد نویں پوزیشن پر چلا گیا افغانستان دسویں، جبکہ زمبابوے اور آئیرلینڈ بالترتیب گیارہویں اور بارہویں نمبر پر موجود ہیں۔
دوسری جانب آئی سی سی ویمن ٹی ٹوئنٹی رینکنگ میں ٹاپ 10 ٹیموں کی پوزیشنز میں کوئی تبدیلی نہیں آئی۔
آسٹریلیا پہلے، انگلینڈ دوسرے اوربھارت تیسرے نمبر پر برقرار ہیں، جبکہ نیوزی لینڈ چوتھے اور جنوبی افریقہ پانچویں نمبر پر ہیں ویسٹ انڈیز چھٹے، سری لنکا ساتویں اورپاکستان آٹھویں نمبر پر موجود ہے۔
