پی سی بی نے حارث رؤف کا سینٹرل کنٹریکٹ ختم کر دیا
اردو انٹرنیشنل (اسپورٹس ڈیسک ) تفصیلات کے مطابق پاکستان کرکٹ بورڈ (پی سی بی) نے فاسٹ باؤلر حارث رؤف کا سینٹرل کنٹریکٹ 15 فروری 2024 کو ختم کر دیا۔
یہ فیصلہ فاسٹ باولر 2023-24 کے دورہ آسٹریلیا کے لیے پاکستان کے ٹیسٹ اسکواڈ میں شامل ہونے سے انکار کی تحقیقات کے بعد سامنے آیا ہے۔
حارث کا سنٹرل کنٹریکٹ یکم دسمبر 2023 سے ختم کر دیا گیا ہے۔ دائیں ہاتھ کےگیند باز کو 30 جون 2024 تک کوئی بھی غیر ملکی لیگ کھیلنے کے لیے (این او سی) بھی نہیں ملے گا۔
پی سی بی نے ایک پریس ریلیز میں کہا پی سی بی انتظامیہ نے 30 جنوری 2024 کو انصاف کے اصولوں کی تعمیل کرتے ہوئے حارث کو ذاتی سماعت کا موقع فراہم کیا اور ان کا جواب غیر تسلی بخش پایا گیا۔
پی سی بی کا کہنا ہے کہ پاکستان کے لیے کھیلنا کسی بھی کھلاڑی کے لیے اعزاز کی بات ہےکسی بھی طبی رپورٹ یا معقول وجہ کی عدم موجودگی میں پاکستان کے ٹیسٹ اسکواڈ کا حصہ بننے سے انکارکیا جو کہ معاہدے کی خلاف ورزی ہے۔
واضح رہے کہ حارث نے انجری کے خدشات اور کام کے بوجھ کی وجہ سے آسٹریلیا ٹیسٹ کھیلنے سے انکار کر دیا تھا۔
حارث نے 2022 میں راولپنڈی میں انگلینڈ کے خلاف ڈیبیو کرنے کے بعد اپنے کیریئر کے دوران پاکستان کے لیے صرف ایک واحد ٹیسٹ میچ کھیلا ہے۔
30 سالہ کھلاڑی نے 37 ون ڈے میچوں میں 69 وکٹیں حاصل کیں جبکہ 66 ٹی ٹوئنٹی میں 90 وکٹیں حاصل کیں۔
حارث رؤف اس وقت لاہور قلندرز کے اسکواڈ کا حصہ ہیں اور 17 فروری سے شروع ہونے والے پاکستان سپر لیگ کے نویں ایڈیشن کی تیاری کر رہے ہیں۔
ڈائریکٹر کرکٹ ٹیم محمد حفیظ نے پی سی بی سے علیحدگی اختیار کر لی