جرمنی نے سات گول کے دلچسپ مقابلے میں انگلینڈ کو شکست دے دی
اردو انٹرنیشنل ( اسپورٹس ڈیسک) انگلینڈ کو جرمنی کے ہاتھوں شکست کا سامنا کرنا پڑا جب یہ دونوں ٹیمیں ویمبلے میں یویفا یورو 2022 کے فائنل کے مقام پر دوبارہ ملیں اور سات گولوں کا ایک شاندار مقابلہ پیش کیا۔
یہ شمالی لندن میں ایک افراتفری کی شام تھی جہاں انگلینڈ کھیل پر کنٹرول برقرار رکھنے میں ناکام رہا اور آدھے گھنٹے میں ہی 3-0 پیچھے ہوگیا۔
میچ کے دوران جرمن کپتان جیولیا گوین نے دو بار گول کیا، جبکہ کلارا بُہل نے تیسرا گول کر کے انگلینڈ کو حیران کردیا۔
لیکن انگلینڈ کی ٹیم نے بھی بھرپور جواب دیا، جارجیا اسٹین وے نے دو تیز گول کرکے انگلینڈ کے اسکور میں کمی کی۔
انگلینڈ کی جانب سے مزید گول کرنے کے مواقع بھی پیدا ہوئے جب الیسیا رسو نے گول کرنے کی کوشش کی تاہم بال پوسٹ سے باہر چلا گیا۔
اس کے علاوہ، ایک اور موقع پر انہوں نے گول کیا، لیکن اسے آف سائیڈ قرار دے کر منسوخ کر دیا گیا ۔
جرمنی کی دفاع بھی کمزور رہی، مگر انگلینڈ اس کا فائدہ نہیں اٹھا سکی اور دوسرے ہاف میں چوتھا گول کھا لیا، جب سارا ڈیبرٹز نے پنالٹی کو گول میں تبدیل کر کے جرمنی کیلئے چوتھا گول کیا۔
لیسی برونز نے بھی ایک فری کک کی غلطی کا فائدہ اٹھا کر انگلینڈ کے لیے تیسرا گول کیا۔
تاہم،انگلینڈ ٹیم دو سال پہلے کے فائنل میں ڈرامائی 2-1 کی فتح کے باوجود، آخری لمحات میں اسکور برابر کرنے میں ناکام رہی اور اس طرح ایک گول سے میچ ہار گئی۔
میچ کے دوران پوسٹ کو دو بار مارا گیا اور کل تین گول مسترد ہوئے جس میں دو انگلینڈ کے تھے جبکہ ایک جرمنی کا تھا۔
انگلینڈ اور جرمنی کی ٹیموں نے اس سے پہلے بھی ویبملے اسٹیڈیم میں ایک اہم میچ کھیلا تھا، یہ میچ یویفا ویمنز یورو 2022 کا فائنل تھا، جو 31 جولائی 2022 کو ہوا تھا۔ اس مقابلے میں انگلینڈ کی ٹیم نے جرمنی کو 2-1 سے شکست دی تھی۔
