فیفا نے امریکی صدر ڈونلڈ ٹرمپ کو امن ایوارڈ سے نواز دیا

فیفا نے امریکی صدر ڈونلڈ ٹرمپ کو امن کے لیے غیر معمولی خدمات پر فیفا امن ایوارڈ سے نواز دیا ہے امریکی میڈیا کے مطابق ایوارڈ کی باقاعدہ تقریب کے دوران فیفا کے صدر نے یہ اعزاز ٹرمپ کو پیش کیا۔

صدر ٹرمپ فیفا ورلڈ کپ 2026 کے ڈرا میں بھی شریک ہوئے جہاں انہوں نے بتایا کہ وہ اس موقع پر میکسیکو اور کینیڈا کے رہنماؤں سے ملاقات کر سکتے ہیں ان کا کہنا تھا کہ مجوزہ ملاقات میں تجارت اور امیگریشن سے متعلق امور پر گفتگو ہوگی۔

فیفا نے گزشتہ ماہ اعلان کیا تھا کہ امن کے فروغ کے لیے نمایاں کردار ادا کرنے والی شخصیات کو یہ ایوارڈ دیا جائے گا۔