فٹ بال کلب چیلسی نے کونور کالیگھر کے لیے اٹلیٹیکو میڈرڈ کی پیشکش قبول کرلی

اردو انٹرنیشنل اسپورٹس ویب ڈیسک تفصیلات کے مطابق جون میں ایک نیا معاہدہ مسترد کرنے کے بعد چیلسی نے کونور کالیگھر کو اٹلیٹیکو میڈرڈ کو تقریباً 33 ملین پاؤنڈ میں فروخت کرنے پر اتفاق کیا۔ 24 سالہ کالیگھر اب اٹلیٹیکومیڈرڈ کے ساتھ ذاتی معاملات پر بات کر سکتے ہیں۔

فٹ بال کلب چیلسی نے آسٹن ولا کی جانب سے 45 ملین پاؤنڈ کی پیشکش لینے کے بجائے کالیگھر کو کم رقم میں ایک غیر انگلش کلب کو بیچنے کو ترجیح دی۔ یہ یقینی نہیں ہے ک کہ آیا وہ بیرون ملک جانے پر راضی ہوں گے ہوں گے یا نہیں ،لیکن چیلسی کے ساتھ ان کے موجودہ معاہدے میں ایک سال سے بھی کم وقت رہ گیا ہے اور چیلسی اگلے سال اس کا معاہدہ ختم ہونے سے پہلے اسے فروخت کرنا چاہتا ہے۔

کالیگھر نے جون میں، چیلسی کی طرف سے تین سالہ معاہدے کی پیشکش کو مسترد کر دیا۔ اگر وہ ابھی منتقل نہیں ہوتا ہے، تو وہ اگلی گرمیوں میں مفت میں جا سکتا ہے، جبکہ ٹوٹنہم، ویسٹ ہیم اور ایورٹن نے بھی اس سے پہلے اس میں دلچسپی ظاہر کر چکے ہیں ۔