چیمپیئنز لیگ: اٹلیٹیکو میڈرڈ کی افتتاحی میچ میں آر بی لیپزگ کو شکست

اردو انٹرنیشنل اسپورٹس ویب ڈیسک تفصیلات کے مطابق اٹلیٹیکو میڈرڈ نے آربی لیپزگ کے خلاف اپنے چیمپئنز لیگ کے افتتاحی میچ میں ڈیفنڈر خوسے ماریہ جیمینز کے ہیڈر کی بدولت 2-1 سے کامیابی حاصل کی۔

اس میچ میں آر بی لیپزگ نے کھیل کے چوتھے منٹ میں ہی تیز جوابی حملے کے بعد اسٹرائیکر بینجامین سیسکو کے ہیڈر کے ذریعے ابتدائی برتری حاصل کرلی۔

بعد ازاں اٹلیٹیکو میڈرڈ کی جانب سے انٹوئن گریزمین نے 28ویں منٹ میں گول کر کے برابری کر دی۔

اٹلیٹیکو میڈرڈ کے پاس گول کے بہت سے مواقع تھے، لیکن یہ 90 ویں منٹ تک ممکن نہیں ہوسکا لیکن بلآخر جیمینز نے گریزمین کے کراس سے فاتح گول داغ دیا جس سے میچ کا فیصلہ 2-1 سے اٹلیٹیکو میڈرڈ کے حق میں چلا گیا۔