چیمپیئنز لیگ: آرسنل نے جیرونا کو شکست دے کر ناک آؤٹ مرحلے میں جگہ بنا لی

اردو انٹرنیشنل (اسپورٹس ویب ڈیسک) تفصیلات کے مطابق آرسنل نے شاندار کھیل کا مظاہرہ کرتے ہوئے جیرونا کو شکست دے کر چیمپئنز لیگ کے ناک آؤٹ مرحلے میں کوالیفائی کر لیا۔ جیرونا نے کھیل کے 28ویں منٹ میں برتری حاصل کی جب آرسنل کے گول کیپر نیٹو اپنے ڈیبیو میچ میں باکس سے باہر آئے اور ارنوت ڈنجوما نے گیند کو خالی جال میں ڈال دیا۔ اس کے 10 منٹ بعد، تھامس پارٹی کو ارناو مارٹینز کے فاؤل کرنے پر آرسنل کو پنالٹی ملی، جورجینہو نے پنالٹی کو گول میں بدل کر اسکور 1-1 کر دیا۔

ہاف ٹائم سے پہلے آرسنل نے 17 سالہ ایتھن نوانیری کے ایک خوبصورت شاٹ کے ذریعےدوسرا گول کیا اور گنرز(آرسنل) کو 2-1 کی برتری دلا دی جو آخر تک قائم رہی۔ گنرز کی جانب سے یہ دو گول صرف چار منٹ کے اند اسکور کیے گئے ۔

جیرونا نے دوسرے ہاف میں گول کیا، لیکن آف سائیڈ قرار دے کر مسترد کر دیا گیا۔ آرسنل کو بھی آخری لمحات میں پنالٹی ملی، لیکن رحیم سٹرلنگ کا شاٹ گول کیپر پاو لوپیز نے روک لیا۔

اس جیت کے بعد آرسنل 19 پوائنٹس کے ساتھ ٹاپ آٹھ ٹیموں میں شامل ہو گیا اور ناک آؤٹ راؤنڈ میں جگہ محفوظ کر چکا ہے۔ آرسنل کے کوچ میکل آرٹیٹا نے کہا کہ وہ اپنی ٹیم کو وسط سیزن کے وقفے میں آرام دینا چاہتے ہیں، اور چونکہ آرسنل کو پلے آف کھیلنے کی ضرورت نہیں، اس لیے ان کے پاس 10 دن کا وقفہ ہوگا جس میں ٹیم مزید تیاری کر سکتی ہے۔