کینیڈا قیامت تک امریکا میں ضم نہیں ہوسکتا، جسٹن ٹروڈو کا ٹرمپ کو کرارا جواب

اردو انٹرنیشنل (مانیٹرنگ ڈیسک) کینیڈین وزیر اعظم جسٹن ٹروڈو نے منگل کو کہا ہے کہ قیامت تک کینیڈا امریکا میں ضم نہیں ہوسکتا جبکہ ان کے وزیر خارجہ نے کہا کہ قوم امریکی دھمکیوں کے آگے کبھی نہیں جھکے گی۔

امریکا کے صدر ڈونلڈ ٹرمپ نے کہا تھا کہ وہ کینیڈا کے خلاف اقتصادی قوت استعمال کریں گے اور کینیڈا کو امریکا کی 51 ویں ریاست بننا چاہیے۔

یہ بھی پڑھیں: ڈونلڈ ٹرمپ کا کینیڈا کیخلاف اقتصادی طاقت استعمال کرنے کا اعلان

ٹرمپ نے کہا کہ وہ کینیڈا سے درآمد کی جانے والی اشیا پر پچیس فیصد ٹیرف عائد کریں گے۔

اس پر کینیڈین وزیر خارجہ میلانی جولی نے کہا کہ ٹرمپ کا بیان اس بات کا اظہار ہے کہ انہیں سمجھ ہی نہیں کہ کینیڈا کی اصل طاقت ہے کیا اور کینیڈا کبھی دھمکیوں کے سامنے نہیں جھکے گا۔

وزیراعظم جسٹن ٹروڈو نے ٹرمپ کو کرارا جواب دیتے ہوئے کہا ہے کہ کینیڈا قیامت تک امریکا میں ضم نہیں ہوگا۔