بنگلا دیش کا تاریخی کارنامہ، پاکستان کو ٹیسٹ سیریز میں کلین سوئپ

بنگلا دیش نے پاکستان کو دو ٹیسٹ میچوں کی سیریز میں کلین سوئپ کرکے تاریخ رقم کردی میزبان ٹیم نے پہلے ٹیسٹ میں پاکستان کو 104 رنز جبکہ دوسرے اور آخری ٹیسٹ میں 79 رنز سے شکست دے کر سیریز 0-2 سے اپنے نام کرلی۔

سیریز کے دوران پاکستانی بیٹنگ لائن مکمل طور پر ناکام دکھائی دی، جبکہ بنگلا دیشی بولرز نے شاندار نظم و ضبط اور عمدہ کارکردگی کا مظاہرہ کرتے ہوئے قومی ٹیم کو مسلسل دباؤ میں رکھا۔

پاکستان کی جانب سے محمد رضوان نے 94 رنز کی نمایاں اننگز کھیلی جبکہ سلمان آغا اور شان مسعود نے 71،71 رنز بنائے۔

بابر اعظم 47 رنز کے ساتھ نمایاں رہے بنگلا دیش نے دوسری اننگز میں 390 رنز بنا کر پاکستان کو جیت کے لیے بڑا ہدف دیا تھا اس سے قبل بنگلا دیش پہلی اننگز میں 278 جبکہ پاکستان 232 رنز پر آؤٹ ہوگیا تھا

بنگلا دیش کی یہ کامیابی ٹیسٹ کرکٹ کی تاریخ میں ایک اہم سنگِ میل قرار دی جارہی ہے، جبکہ دوسری جانب پاکستانی ٹیم کی ناقص کارکردگی پر شائقینِ کرکٹ اور سابق کھلاڑیوں کی جانب سے شدید تنقید کا سلسلہ جاری ہے۔