Bangladesh chooses bouncy track for Pakistan series-Files
پاکستان کرکٹ ٹیم آئندہ ماہ دو ٹیسٹ میچز کی سیریز کے لیے بنگلا دیش کا دورہ کرے گی، جس کے لیے ابتدائی انتظامات سامنے آ گئے ہیں ذرائع کے مطابق بنگلا دیش کرکٹ بورڈ نے سیریز کا پہلا ٹیسٹ سلہٹ میں کرانے کا فیصلہ کیا ہے، جہاں پاکستان پہلی مرتبہ ٹیسٹ میچ کھیلے گا۔
ذرائع کا کہنا ہے کہ آئی سی سی ٹیسٹ چیمپئن شپ کے تحت کھیلی جانے والی اس سیریز کے لیے باؤنس والی پچ کی تیاری کے پیش نظر سلہٹ کے وینیو کا انتخاب کیا گیا ہے، جبکہ دوسرا ٹیسٹ میرپور، ڈھاکا میں کھیلا جائے گا۔
شیڈول کے مطابق پاکستان ٹیم پی ایس ایل کے فائنل کے فوراً بعد 4 مئی کی رات ڈھاکا روانہ ہوگی، جبکہ ٹیسٹ میچز 8 اور 16 مئی سے شروع ہونے کا امکان ہے تاہم سیریز کے حتمی وینیوز اور شیڈول کا باضابطہ اعلان آئندہ چند روز میں متوقع ہے۔
