آسٹریلیا نےپاکستان کے خلاف ون ڈے سیریز کے لیے اسکواڈ کا اعلان کر دیا
اردوانٹرنیشنل(اسپورٹس ڈیسک) تفصیلات کے مطابق کرکٹ آسٹریلیا نے پاکستان کے خلاف آئندہ ون ڈے سیریز کے لیے آسٹریلوی اسکواڈ کا اعلان کر دیا ہے۔
پاکستان ٹیم آئندہ ماہ نومبر میں آسٹریلیا کا دورہ کرے گی جہاں دونوں ٹیموں کے درمیان تین ون ڈے اور تین ٹی ٹوئنٹی میچز کھیلے جائیں گے۔
پیٹ کمنز ون ڈے سیریز میں آسٹریلوی ٹیم کی قیادت کریں گے جس میں شان ایبٹ، کوپر کونولی، جیک فریزر میک گرک، ایرون ہارڈی، جوش ہیزل ووڈ، جوش انگلس، مارنس لیبوشین، گلین میکسویل، اسٹیو اسمتھ، مچل اسٹارک، میتھیو شارٹ، مارکس اسٹوئنس، اور ایڈم زمپا۔
جیسے کھلاڑی شامل ہیں۔
مچل مارش اور ٹریوس ہیڈ دونوں ولادت کی چھٹی پر ہیں جس کی وجہ سے ان کو اسکواڈ میں شامل نہیں کیا گیا.
چیف سلیکٹر جارج بیلی نے تبصرہ کرتے ہوئے کہا کہ چیمپئنز ٹرافی سے قبل یہ آخری ون ڈے سیریز ہے، اسکواڈ میں توازن برقرار رکھنے کی کوشش کی گئی ہے۔
انہوں نے مزید کہا کہ یہ سیریز فروری میں پاکستان میں شیڈول چیمپئنز ٹرافی سے قبل اسکواڈ کے تجربے کو بڑھانے کا موقع فراہم کرتی ہے۔
ون ڈے 4، 8 اور 10 نومبر کو کھیلے جائیں گے، جس کے بعد ٹی ٹوئنٹی اسکواڈ کا اعلان کیا جائے گا۔
