اسلام آباد میں چرچ پر مسلح افراد کا دھاوا،دعائیہ تقریبات رکوا دیں
وفاقی دارالحکومت میں سیکٹر H-9/2 میں قائم چرچ پر مسلح افراد نے دھاوا بول دیا .
مسلح افراد نے کرسمس کی دوسرے دن کی دعائیہ تقریبات رکوا دیں اور انتظامیہ کو تشدد کا نشانہ بنایا.
ذرائع کے مطابق دو افراد کو گن پوائنٹ پر اغواء بھی کرلیا گیا جبکہ پاسٹر کو جان سے مارنے کی دھمکیاں دیتے ہوئےمسلح افراد چرچ کو تالا لگا کرفرار ہوگئے .
اسلام آباد پولیس نے مقدمہ درج کر کے چرچ پر حملہ کرنے والے چھ افراد بشمول مٹھو، سہیل اٹھوال اورآصف کی گرفتاری لیے چھاپے مارنا شروع کر دیے۔
دوسری جانب چرچ پر مسلح حملے کے بعد مسیح برادری میں شدید خوف و حراس پایا جارہا جنہوں نے وزیر اعظم، وزیر داخلہ، آئی جی اسلام آباد سے SP خان زیب خلاف ایکشن لینے کی استدعا کی ہے.