پی ایس ایل 11 کی زبردست ڈیجیٹل کارکردگی، ہر پلیٹ فارم پر ریکارڈ ویوز

پاکستان سپر لیگ (پی ایس ایل) 11 کے ابتدائی 22 میچز نے ڈیجیٹل پلیٹ فارمز پر غیر معمولی کامیابی حاصل کرلی ہے، جہاں نان لائیو اسٹریمنگ کانٹینٹ کو شائقین کی بھرپور توجہ حاصل رہی۔

اعداد و شمار کے مطابق، سوشل میڈیا پلیٹ فارمز پر آرکائیو اور دیگر ویڈیو مواد جس میں ریلز، شارٹ کلپس اور مختلف پوسٹس شامل ہیںکو مجموعی طور پر 1.1 ارب ویوز ملے اسی عرصے کے دوران 3.37 ارب امپریشنز بھی ریکارڈ کیے گئے، جو ایونٹ کی وسیع رسائی کو ظاہر کرتے ہیں۔

مزید برآں، ویڈیو کانٹینٹ کے حوالے سے ڈیجیٹل پلیٹ فارمز پر 2 ارب منٹس سے زائد واچ ٹائم بھی سامنے آیا، جو شائقین کی مسلسل دلچسپی کا ثبوت ہے قابلِ ذکر بات یہ ہے کہ ان اعداد و شمار میں لائیو اسٹریمنگ شامل نہیں ہے۔